Friday, January 13, 2006

சன்டீவி சிறப்பு நிகழ்ச்சிகளின் டெம்ப்ளட்

"சன் டீவியின் ஜங்க் - தீபாவளி சிறப்பு நிகழ்ச்சிகள்" என்ற பெயரில் சன் டீவியின் தீபாவளி சிறப்பு நிகழ்ச்சிகளை ஏற்கனவே நன்றாக அலசி விட்டதால் இப்போது அடுத்த சிறப்பு நிகழ்ச்சியான பொங்கல் சிறப்பு நிகழ்ச்சிகளை அலசுவோம். தீபாவளி சிறப்புநிகழ்ச்சிகளின் போது கூறிய அதே கருத்துக்களை இப்போதும் சிறிதளவு மாற்றமின்றி அப்படியே இன்னொரு முறை கூறுவதற்குப் பதில் என்னுடைய பழைய பதிவினை இன்னொருமுறை படித்துக் கொள்ளவும். ஏறத்தாழ தமிழ்நாட்டின் 45% பார்வையாளர்களைப்பெற்ற சன் டீவியை மட்டுமே நான் ஆட்டத்தில் சேர்த்துக் கொள்வேன். மற்ற டீவிகளுக்கு ஒரு பெரிய 'NO'. ஜெயிக்கிற குதிரை பின்னாடி மட்டுமே நான் செல்வேன்.

முதன் முதலில் சன்னிற்கு ஒரு நன்றி. சன்னிற்கு சிறப்பு நிகழ்ச்சிகளுக்கென்று ஒரு டெம்ப்ளட் உள்ளது. அதை அவர்கள் எக் காரணம் கொண்டும் மாற்றமாட்டர்கள் என்று நினைக்கிறேன். எப்படியோ நான் தட்டச்சு செய்யும் நேரத்தை குறைத்ததற்கு நன்றி. இதை வைத்து நீங்கள் கூட சன் டீவியின் 2006ம் வருடத்திய தீபாவளி சிறப்பு நிகழ்ச்சிகளின் பட்டியலை தயாரித்து விடலாம்.

இந்த வருடம் சரியாக விளம்பரம் கிடைக்க வில்லையோ என்னமோ மத்தியானம் படம் 2 1/2 மணி நேரமே ;)

இப்போது சிறப்பு நிகழ்ச்சிகள். நேயர்களின் வசதிக்காக பட்டியலிடப்பட்டுள்ளது. உதவிக்குறிப்புகள்

நேரம் - நிகழ்ச்சி வகை - நிமிடத்தில் 2005 தீபாவளி நிகழ்ச்சிகள் 2006 பொங்கல் நிகழ்ச்சிகள்
06:00 - 06:30 AM-(சினிமா 30 நிமிடங்கள்)
பாமாலை - பக்திப்பாடல் - உண்ணிகிருஷ்ணன்
தமிழிசை - சுதா ரகுநாதன்

06:30 - 07:00 AM-(சினிமா 30 நிமிடங்கள்)
இசைக் கோலாகலம் - ராஜேஸ் வைத்தியா
நாத சுகம் - திருப்புவனம் சுவாமிநாதன்

07:00 - 08:00 AM - (சினிமா 60 நிமிடங்கள்)
சிறப்பு வணக்கம் தமிழகம் - பாரத்
சிறப்பு வணக்கம் தமிழகம் - அர்ஜீன்

08:30 - 09:00 AM- (சினிமா 30 நிமிடங்கள்)
சிறப்பு புதுப்பாடல்
சிறப்பு புதுப்பாடல்

09:00 - 09:30 AM - (சினிமா 30 நிமிடங்கள்)
நட்சத்திர சந்திப்பு - அசின்
நட்சத்திர சந்திப்பு - ஜெயம் ரவி

09:30 - 10:00 AM - (சினிமா 30 நிமிடங்கள்)
சிறப்பு திரைக் கண்ணோட்டம்
சிறப்பு திரைக் கண்ணோட்டம்

10:00 - 10:30 AM - (சினிமா 30 நிமிடங்கள்)
நட்சத்திர சந்திப்பு - தனுஸ், செல்வராகவன்
நட்சத்திர சந்திப்பு - திரிசா

10:30 - 11:30 AM - சாலமன் பாப்பையா
சிறப்பு பட்டி மன்றம்
சிறப்பு பட்டி மன்றம்

11:30 - 02:30 PM - (சினிமா 150 நிமிடங்கள்)
படையப்பா - திரைப்படம்
குசி - திரைப்படம்

02:30 - 03:00 PM - (சினிமா 30 நிமிடங்கள்) - புதியது

சிறப்பு நகைச்சுவை நேரம்

03:00 - 03:30 PM - (சினிமா 30 நிமிடங்கள்)
சிறப்பு நகைச்சுவை நேரம்
சிறப்பு திரைக் கண்ணோட்டம் - பாசக்கிளிகள்

03:30 - 04:30 PM - (சினிமா 30 நிமிடங்கள்)
சிறப்பு திரைக் கண்ணோட்டம் - அது ஒரு கனாக்காலம்
சிறப்பு திரைக் கண்ணோட்டம் - கள்வனின் காதலி

04:00 - 04:30 PM - (சினிமா 30 நிமிடங்கள்)
சிறப்பு திரைக் கண்ணோட்டம் - மஜா
பிலிம்டுடே விருது

04:30 - 05:00 PM - (சினிமா 30 நிமிடங்கள்)
சிறப்பு திரைக் கண்ணோட்டம் - சிவகாசி
பிலிம்டுடே விருது

05:00 - 05:30 PM - (சினிமா 30 நிமிடங்கள்)
நட்சத்திர சந்திப்பு - வடிவேலு
கேள்விக்கென்ன பதில்

05:30 - 06:00 PM - (சினிமா 30 நிமிடங்கள்)
நட்சத்திர சந்திப்பு - விஜய்
நட்சத்திர சந்திப்பு - விஜய்

06:00 - 06:30 PM - (சினிமா 240 நிமிடங்கள்)
திரைப்படம் - வசூல்ராஜா MBBS
திரைப்படம் - தூள்

08:00 - 08:30 PM - (சினிமா அல்ல 30 நிமிடங்கள்)
சன் நியுஸ்
சன் நியுஸ்

08:30 - 10:30 PM
திரைப்படம் தொடர்ச்சி
திரைப்படம் தொடர்ச்சி

10:30 - 11:00 PM - (சினிமா 30 நிமிடங்கள்)
சிறப்பு திரைக் கண்ணோட்டம் - பம்பரக்கண்ணாலே
சிறப்பு தங்க வேட்டை

11:00 - 11:30 PM - (சினிமா 30 நிமிடங்கள்)
(தீபாவளிக்கு நிகழ்ச்சி இல்லை)
சிறப்பு காமெடி டைம்

தகவல் நன்றி:
சன் டீவி
தமிழ்முரசு

மற்ற தொலைக்காட்சி நிலையங்கள் எப்படி? அவர்களும் இப்படித்தானா? கண்டிப்பாக, யாருக்கும் யாரும் சளைத்தவர்கள் இல்லை.

மக்களுக்குப் பிடித்த நிகழ்ச்சி வகைகளைக் கொடுப்பதனாலே மட்டுமே சன் தமிழகத்தின் நம்பர் 1 தொலைக்காட்சியாக உள்ளது. இவ்வளவு சினிமா சம்பந்தப்பட்ட நிகழ்ச்சிகளா?

அப்படியானால் மக்களுக்கு சினிமா மட்டுமே பிடிக்கின்றதா? வேறெதுவும் பிடிப்பதில்லையா?

இதில் பொங்கல் , அதன் மகத்துவம், அது ஏன் கொண்டாடப்படுகிறது என்று ஒன்றுமே இல்லையே? ஏன்?

அல்லது மக்கள் பொங்கலன்று தொலைக்காட்சியே பார்ப்பதில்லையா? குடும்பத்துடன் பொங்கல் மட்டுமே கொண்டாடுகிறார்களா?

தமிழ் தொலைக்காட்சிகள் தொல்லைக்காட்சிகள் என்று மற்றொரு முறையும் நிறுபித்து விட்டன.

ஆனால் ஒன்று மட்டும் தெரிகிறது. இந்த சினிமா நிகழ்ச்சிகளை மட்டுமே தரும் இந்தத் தொலைக்காட்சியை பார்ப்பவர்களை நினைத்தால் எனக்கு மனதில் தோன்றும் காட்சி,


இவர்களை எப்போது யார் திருத்துவார்கள்.

அப்துல்கலாம் போன்ற மேதைகளின் கடினமான உழைப்பினால் உருவான ராக்கெட்டுகள் மற்றும் சேட்டிலைட்டுகளில் நாம் இப்படிப்பட்ட பாடாவதி சினிமா நிகழ்ச்சிகளைப் பார்க்கும் போது எனக்கு நினைவுக்கு வரும் பாடல்..
"நல்லதோர் வீணை செய்தே அதை நலங்கெட புழுதியில் எறிவதுண்டோ..??"

ஆகா சுருக்கமாக, சன் டீவியின் பொங்கல் சிறப்பு நிகழ்ச்சிகள் பழைய பானையில் புதிய பொங்கல்.

பின்குறிப்பு:

எனக்கு காலம் பொன்போன்றது. நான் நேசனல் ஜியோகிராப் , பி.பி.சி, CNN, தவிர எந்தச் சேனலையும் கடந்த 5 வருடங்களாகப் பார்த்ததே இல்லை :)

அப்துல் கலாம் சினிமாவே பார்த்தது கிடையாது என்பதை இந்த நேரத்தில் எல்லோருக்கும் ஞாபகப் படுத்துகிறேன்.

எல்லோருக்கும் எனது இனிய பொங்கல் நல் வாழ்த்துக்கள்.

3 comments:

Boston Bala said...

பொங்கல் வாழ்த்துகள் :-)

அனுசுயா said...

கடந்த 5 வருடங்களாக நான் தொலைக் காட்சியே பார்ப்பது இல்லை...

அனைவருக்கும் பொங்கல் வாழ்த்துக்கள்..!!

ravi said...

"நல்லதோர் வீணை செய்தே அதை நலங்கெட புழுதியில் எறிவதுண்டோ..??"
It is true. this wording exactly suits. Atleast by reading these message let people come out of going behind cinema.HATS Up Mr.Paulravi