Saturday, January 21, 2006

திறந்த மூல மென்பொருள்கள் குறுவட்டு

சுமார் 90 சதவீதத்திற்கும் மேற்பட்ட மேசைக் கணிணிகள் விண்டோஸ் இயக்குதளம் மூலம் இயக்கப்படுகிறது. அவர்களுக்கு விண்டோஸ் இயக்குதளத்தைவிட பலவழிகளிலும் மேம்பட்ட லினக்ஸிற்கு மாறுவது கீழ்க்கண்ட வழிகளின் மூலம் சாத்தியப்படுகிறது.

விண்டோஸ் பயனர் லினக்ஸிற்கு மாறும் படிப்படியான வழிமுறைகள்

  1. விண்டோஸ் பயனர்களுக்கு லினக்ஸ் பற்றிய தேவையில்லாத பயத்தினைப் போக்குவது.

  2. விண்டோஸ் பயனர்கள் லினக்ஸிலும், விண்டோஸ் இயக்குதளத்திலும் இயங்கும் மென்பொருள்களப் பயன்படுத்தும் படி மாற்று மென்பொருள்களை அறிமுகம் செய்வது.

  3. லினக்ஸ் இயக்குதளத்தை கணிணியில் நிறுவாமல் குறுந்தட்டு மூலமே இயக்கும் க்னாப்பிக்ஸ் போன்ற லினக்ஸ் பரவல்களைச் சோதனை முறையில் செயல்படுத்தும் படி செய்வது.

  4. ஏற்கனவே உள்ள விண்டோஸ் இயக்குதளத்துடன் கடினவட்டில் லினக்ஸும் இரட்டை பூட் முறையில் நிறுவி இயக்கச் செய்தல்

  5. பிறகு முழுவதுமாக லினக்ஸிற்கு மாறுவது.

இதில் இரண்டாவது நிலையான, "விண்டோஸ் பயனர்கள் லினக்ஸிலும், விண்டோஸ் இயக்குதளத்திலும் இயங்கும் மென்பொருள்களப் பயன்படுத்தும் படி மாற்று மென்பொருள்களை அறிமுகம் செய்வது" என்பதற்கு உதவக்கூடிய வகையில் அமைந்ததே இந்த திறந்த மூல மென்பொருள்கள் குறுவட்டுகள்.

திறந்தமூல மென்பொருள்கள் குறுவட்டு என்பது விண்டோஸ் கணிணிகளில் பயன்படுத்தப்படக் கூடிய வகையில் தரமான திறந்தமூல பயன்பாட்டு மென்பொருள்களின் தொகுப்பு ஆகும். பொதுவாக மென்பொருள் தயாரிப்பு, விளையாட்டு, இணையம் சம்பந்தமானவைகள், இசை, பல்லூடகம், பாதுகாப்பு, மற்றும் அறிவியல், வரைகலை, வணிகம் சம்பந்தமான இலவச மென்பொருள்கள் இடம்பெற்றுள்ளன. இதை நமது மத்திய அரசு சமீபத்தில் வெளியிட்ட இலவச குறுந்தகட்டோடு இணைசெய்தல் வேண்டாம். அவைகள் திறந்தமூல மென்பொருட்கள் தவிர இலவச மென்பொருட்களையும் ( Freeware) கொண்டுள்ளது. பொதுவாக இலவச மென்பொருட்களின் மூலங்கள் நமக்குக் கிடைப்பதில்லை.

விண்டோஸ் மற்றும் லினக்ஸிலும் இயக்குதளத்திலும் இயங்கும் மென்பொருள்களை நாம் பயன்படுத்துவதால் நாம் அடையும் நன்மைகள் ஏராளம். திறந்த மூலம் என்பது சுதந்திரமான, தளைகளற்ற பொதுவாக விண்டோஸ் பயனர்களுக்கு இந்த மென்பொருட்கள் பொதுவாக GPL முறையில் வெளியிடப்படுவதால்,

  1. நீங்கள் சுதந்திரமாக எத்தனை பிரதிவேண்டுமானாலும் எடுக்கலாம், யாருக்கும் இலவசமாகக் கொடுக்கலாம். எத்தனை கணிணிகளிலும் நிறுவலாம்.

  2. உங்களுக்கு தரமான மென்பொருட்கள் இலவசமாகவே கிடைக்கின்றன.

  3. வீட்டு, தனிமனித, மற்றும் வணிக நிறுவனங்களில் இவைகளை நீங்கள் நிறுவலாம்.

  4. பொதுவாக இந்த மென்பொருட்களின் நிரல்கள் இந்த குறுவட்டோடு இணைக்கப்ப்டுவதில்லை. ஆனால் அவைகள் கிடைக்கக்கூடிய இணையத்தள முகவரி கொடுக்கப்பட்டுள்ளது.

  5. இவைகளில் உள்ள மென்பொருட்கள் பொதுவாக எல்லா இயக்குதளங்களிலும் இயங்கும்படி வடிவமைக்கப்பட்டவைகள் ஆகும். இந்த முறை பின்பு நீங்கள் லினக்ஸிற்கு மாறும்பொழுது உங்கள் மாற்றத்தை எளிதாக்கும்.

இப்படிப்பட்ட குறுந்தட்டுகளை வழங்குபவர்களில் குறிப்பிடத்தக்கவர்கள்.

குறுந்தட்டு

இணையமுகவரி

ஓபன் CD (The Open CD)

http://theopencd.org/

ஓபன்சோர்ஸ் சாப்ட்வேர் CD (Open Source Software CD ).

http://osscd.sunsite.dk/

வின்லிப்ர் (WinLibre)

http://www.winlibre.com/en/index.php

க்னூவின்2 (Gnu Win 2)

http://gnuwin.epfl.ch/en/index.html


இந்த திறந்த மூல மென்பொருள்கள் குறுந்தட்டுகளைப் பற்றியும், அவற்றில் உள்ள மென்பொருட்களைப் பற்றியும் வரும் பதிவுகளில் பார்க்கலாம்.

எனது விண்டோஸ் XP கணிணியில் நான் உபயோகப்படுத்தும் சில திறந்தமூல மென்பொருட்கள்



இது எனது அலுவலகக் கணிணி, அதனால .NET, Powerbuilder, SQL Server, Oracleன்னு இருக்கும். அதக்கண்டுக்கிடாதீங்க ;)

3 comments:

Karthikeyan said...

மிகப்பயனுள்ள பதிவு...

ஆனால், லினக்ஸுக்கு ஆபத்துண்டு...

(பில்கேட்ஸின் இந்திய வருகையைப் பற்றி என்ன நினைக்கிறீங்க?)

Movie Fan said...

BillGates Sr..

நடக்கட்டும் நடக்கட்டும்

-- Vignesh

Movie Fan said...

Forget to add my complements ..

Really a useful blog

Thanx

-- Vignesh